By: JoMaque | June 3, 2020

Anilao — Nagpasalig si Anilao Mayor Nathalie Ann Debuque nga wala sang dapat kabalak-an ang mga pumuluyo sa ila banwa bisan nagpositibo sa COVID-19 ang 39 anyos nga Overseas Filipino Worker nga pumuluyo sa ila lugar.

Suno kay Debuque, wala nakapauli sa ila balay kag na-expose sa publiko si WV115 sugod sang nag-abot sa Iloilo sang Mayo 26.

Mayo 26 nag-abot sa Iloilo Airport si WV115 upod sa duha pa gid ka mga OFWs kag ginderetso sila sa quarantine facility sa ila banwa.

Nag-quarantine sa eskwelahan sa Anilao ang 3 OFWs, kada isa may kwarto kag ginahatag man sang LGU ang ila kinahanglanon.

Mayo 29 sang gin-swab ang tatlo ka mga OFWs kag subong nga adlaw (Hunyo 2) naguwa ang resulta nga positibo si WV115 samtang negatibo ang duha ka mga OFWs.

Gindala na sa Western Visayas Sanitarium si WV115 nga naka-eksperyensiya sang mild symtoms sang COVID-19.

Mayo 29 sang naobserbahan man nga naga-ubo si WV115.

Ginpaka-maayo ni Debuque nga tapuson sang duha ka mga OFWs ang 14 day quarantine facility antes sila pahanugutan nga makapauli bisan negatibo na ang resulta sang ila RT PCR tests.

Sa interview sang Aksyon Radyo Iloilo, ginpahayag ni Dr. Jessie Glenn Alonsabe, regional epidemiologist sang DOH6, nga Mayo 27 nag-abot sa Iloilo si WV115 kag sa amo man nga adlaw siya gin-swab.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply