(Updated) 19 ka balay nasunog sa barangay Bakhaw, Mandurriao

By: JoMaque | June 4, 2020

Iloilo City—19 ka balay ang nasunog sa Sitio Malipayon Zone II, Barangay Bakhaw, Mandurriao las 3:58 subong nga kaagahon.

Suno kay Senior Fire Officer 2 Rolen Hormina, chief arson investigator sang Bureau of Fire Protection- Iloilo City, 15 ka totally-damaged samtang apat ang partially-damaged.

Nagsugod ang sunog las 3:58 kag gindeklarar nga under control ang kalayo 4:55.

Ginreport nga naghalin ang kalayo sa balay ni Alope Prevendido.

Wala pa nakahalin sa area ang mga apektado bangud nagapanghimos pa sila sang ila kagamitan nga mahimo mapuslan.