By: Aine Grace Bravo

ILOILO CITY, June 4, 2020 – 121 na ang kaso sang COVID-19 sa Western Visayas, kasunod sang nadugang nga apat nga gin-report sang DOH 6 subong nga hapon.

Suno kay Dr. Jessie Glen Alonsabe, regional epidemiologist sang DOH 6, ang new cases amo sanday:

WV 118: 43 anyos nga lalaki, taga-Bacolod City, may travel history sa England;

WV 119: 23 anyos nga lalaki, taga-Mandurriao, Iloilo City, halin sa Dubai;

WV 120: 30 anyos nga babaye, taga-Molo, Iloilo City, halin sa US; kag

WV 121: 21 anyos nga babaye, taga-Murcia, Negros Occidental, halin sa Hong Kong.

Lunsay asymptomatic ang mga nagpositibo kag naka-facility quarantine. Gin-athag ni Dr. Alonsabe nga antes pa nakapauli sa Region 6, napa-idalum na sa RT-PCR test ang mga pasyente kag negatibo ang resulta.

Sa ila pag-abot sa Western Visayas, gindiretso sila sa quarantine facility kag liwat ginkuhaan sang swab.

Sa 121 total cases sa rehiyon, nagapabilin nga 84 ang naka-recover kag 10 ang napatay. | via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.