DILG Secretary Eduardo Año,nanindugan nga bawal gihapon ang angkas sa motorsiklo

By: JoMaque | June 5, 2020

Manila — Wala gihapon ginapasugtan sang tagdumalahan sang Inter-Agency Task Force (IATF) ang pag-aangkas sa motorsiklo bisan asawa ukon himata sang rider.

Ini ang nangin sabat ni Department of Interior and Local Government (DILG) Secretary Eduardo Año, sang ginpamangkot ni Senador Bong Go nga kun mahimo na nga maka-angkas sa motorsiklo ilabe na kun isa lang sila ka balay.

Ginpaathag ni Go nga madamo ang naga-apelar sa senado nga pasugtan na ang pag-angkas sa motorsiklo bisan mag-asawa ukon magpamilya, sa subong nga mabudlay ang transportasyon.

Ginsabat ni Año nga indi pa pwede pasugtan ang amo nga panawagan bangud wala suno sa iya sangmay ginapili ang coronavirus disease 2019 (COVID-19).

Nag-apela nalan si Año sa publiko nga diutay na lang nga agwanta sa subong nga nagapangatubang ang kalibutan sang pandemya.