30-anyos nga lalaki, gintiro patay sa Calinog; Biktima may daan nga kaso nga robbery sa San Enrique
By: JoMaque | June 7, 2020
Iloilo — Gintiro patay ang 30-anyos nga lalaki sa Barangay Canabajan, Calinog kahapon sang aga, June 6.
Ginkilala ang biktima kay Bryan Mahinay sang amo man nga lugar, may pilas sa likod kag dughan.
Suno kay Police Major Jose Nemias Pamplona, ginbantayan sang suspek nga si alyas Popoy si Mahinay kag gintiro sang maka-apat ka beses.
Daan nga hiligut-anon ang ginasundan nga anggulo sang Calinog Police.
Narekober ang 12 gauge shotgun, 20 meters ang kalayuon sa balay sang suspek.
Preso sa Calinog Police Station ang suspek.
Ginkumpirmar ni Pamplona nga may daan nga kaso nga roberry sa San Enrique si Mahinay sang Febuary 12, 2020.