By: JoMaque | June 7, 2020

Iloilo City – Napatay si Western Visayas Patient 115 nga taga-Anilao, Iloilo kahapon sang aga, Hunyo 6.

Ini ang ginkumpirmar ni Anilao Mayor Nathalie Ann Debuque.

Suno sa iya napatay ang pasyente sa Western Visayas Sanitarium sa Sta. Barbara, Iloilo.

Hunyo 2 sang nagguwa ang resulta sang pasyente nga nagpositibo sa COVID-19.

Locally stranded individual ang pasyente nga nag-abot sa Iloilo sang Mayo 27 halin sa Metro Manila, base sa impormasyon halin sa Department of Health (DOH) 6.

Ginpahayag sang alkalde nga gin-quarantine ang pasyente sang nag-abot sa Iloilo kag sang nakumpirmar nga nagpositibo sa COVID-19, gilayon siya nga gin-refer sa ospital. Naga-ubo na ang pasyente sang gindala sa ospital.

Gin-aku ni Debuque nga nakibot sila lakip na ang pamilya sang pasyente sang ginpahibalo nga napatay si WV 115 bangud estable man ang iya kondisyon kag mild lang ang sintomas.

Wala pa mahibaluan ang gintunaan sang kamatayon ni WV 115, dugang sang alkalde.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply