By: JoMaque | June 8, 2020

Iloilo City — Ginakuwestyun ni 1st District of Iloilo Representative Janette Garin ang timing sang pagpasar sang House Bill No. 6875 ukon ang Anti-Terror Bill sa tunga sang coronavirus pandemic. 

Ini ang rason suno sa iya kun ngaa wala siya nagpabor sa hagna.  

Gin-athag ni Garin nga wala siya nagapamatok sa laye kag nagakontra man siya sa terorismo.  Pero indi ensakto ang timing nga ipilit ini kag wala man lang ginhatagan sang bastante nga oras agud diskusyunan.

Basta lang suno sa iya nga ipasar ang hagna nga wala sang amendments kag wala nag-agi sa Bicameral Conference Committee.   

Bisan maayo suno sa iya ang intensyon sang hagna, madamo diri sang may ginpangdugang nga posible abusuhon.

Magluwas sini, madamo pa subong ang nadulaan sang obra, madamo ang ginagutom kag nagapamangkot kun ano ang mangin direksyon sang pungsod sa tiun nga makakas na ang quarantine measures bangud sang COVID-19.

Ginpahayag ni Garin nga mas maayo kun diskusyunan sang maayo ang hagna bangud indi na ini mahapos nga bag-uhon sa tiun nga mangin laye na.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply