DOH, nag-report sang 579 COVID-19 cases subong nga adlaw
By: Aine Grace Bravo
MANILA, June 8, 2020 — Gin-report sang Department of Health ang 22,474 ka kaso sang COVID-19 sa pungsod.
Sa latest bulletin las-kuwatro subong nga hapon, 579 ang nadugang –331 ang fresh cases kag 248 ang late cases.
Ang fresh cases subong nga adlaw, base sa daily accomplishment reports nga ginsumiter sang 27 sa 43 ka operational laboratories sa bug-os nga pungsod.
Gin-anunsyar man sang DOH ang 107 ka dugang nga naka-recover (4,637 total recoveries).
Walo (8) naman ang nadugang sa napatay (1,011 total deaths). | via DOH