By: JoMaque | June 10, 2020

Iloilo City (UPDATE)– Wala nakahatag ang Iloilo City Police Office sa National Bureau of Investigation sang ila investigation report sa kontrobersiyal nga twin shooting incidents sa siyudad sang Enero 19.

Suno kay Atty. Ramilo Quinto, executive officer sang NBI6, wala sila nag-request kag wala man sila nakabaton sang investigation report sang ICPO sa pagtiro patay kanday Allain Muller kag Delfin Britanico.

Nagpangayo ang NBI6 sang kopya sang blotter sa duha ka insidente kag lakip man sa shooting incident sa Arevalo sang 2012 sa diin gingamit ang 9mm nga lakip man sa duha ka mga pusil nga gingamit sang Enero 19.

Dako man ang bulig sang ballistic examination report sang Scene of the Crime Operatives sa imbestigasyon sang NBI6 upod sa Death Investigation Division sang NBI.

Una na ginpahayag ni ICPO Director Eric Dampal nga nagbulig ang ICPO sa imbestigasyon sang NBI sa twin shooting incidents sang Enero 19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply