By: JoMaque | June 9, 2020

ILOILO CITY — Indi makahibalo ang City Government nga may maabot nga locally stranded individual kun indi mag-coordinate ang mga nagapauli.

Suno kay CDRRMO head Donna Magno, base sa bag-o nga DILG guidelines, dapat maghalin ang travel authority sa PNP kag indi na sa LGU rason nga ang pila sa mga LSIs ang nagapauli na lang diretso sa ila pamalay bangud wala nakahibalo sang protocol.

Ginpahayag ni Magno nga pagkatapos makuha ang travel authority sa place of origin, dapat pahibaluon ang City Government paagi sa pagtawag sa cellphone number nga ginhatag sang siyudad ukon pwede man nga makapadala sang mensahe sa Facebook account sang siyudad.

Ang mga LSIs ang ginapahapit pa sa Jubilee Hall para sa rapid kag swab tests. Kun mag-negatibo sa rapid test, ginapapauli man gilayon kag ginapaidalom sa home quarantine.

Ang mga nagpositibo naman ang gina-facility quarantine kag hulaton ang resulta sang ila nga swab test.

Dugang pa ni Magno, ang kutob sa mga wala naga-coordinate ang gina-report man sang mga barangay officials agud masugat sang ICER ukon PSTMO kag mapaidalom sa test. | via Aksyon Jeremae Ventar

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply