By: JoMaque | June 9, 2020

(UPDATE) Luyag ni Cpl. Joseph Andrew Joven nga mangin witness sang National Bureau of Investigation sa kontrobersiyal nga twin shooting incidents sa syudad sang Enero 19.

Ini ang ginkumpirmar ni Atty. Zulikha Marie Conales, agent on case sa NBI-Death Investigation Division.

Si Joven ang isa sa apat ka mga suspetsado sa pagtiro patay kanday Allain Muller kag Delfin Britanico nga ginpasakaan sang NBI sang murder kag theft sa pagtiro patay kay Delfin Britanico.

Suno kay Atty. Conales, ginpabutyag ni Joven nga may nagapangita sa iya rason nag-contact sa NBI ang iya kampo para magpa-safe keep.

May ibuyagyag man nga mga impormasyon si Joven rason gin-akomodar sang NBI.

Hunyo 5 sang ginboluntaryo ni Joven ang iya kaugalingon sa NBI-6 kag gilayon siya nga ginbyahe sa NBI-Manila sang Hunyo 6.

Hunyo 7 sang gin-release sang NBI-Manila ang ila kustodiya kay Joven samtang wala pa naaprubahan ang ila application bilang wtiness.

Ano ang ginsugid niya?

May mga ngalan nga ginbuyagyag si Joven nga upod niya sa ila ‘grupo’ suno kay Atty. Conales apang gina-evaluate kag validate pa.

Wala direkta nagsabat ang NBI sang ginpamangkot kun gin-ako ni Joven nga lakip siya sa mga nagtiro kanday Britanico kag Allain Muller.

Sa pahayag sang tag-iya sang car rental nga ginrentahan sang Mitsubishi Adventure nga isa man sa mga witnesses sang NBI, gin-ako ni Joven nga siya ang driver sang ila ‘grupo’.

Sugod sang nakaligad nga Marso 14, wala na nag-duty si Joven sa City Personnel Holding and Accounting Unit.

Sa amo man nga adlaw i-subject siya kuntani sa random drug test.

Ginhatagan siya kahigayunan nga magsumiter sang iya specimen apang nag-Absent Without Official Leave.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply