By: JoMaque | June 11, 2020

ILOILO CITY – Indi maka-operate ang mga accommodation establishments sa Western Visayas kun indi makapa-accredit sa Department of Tourism.

Ini ang pahayag ni DOT 6 Director Atty. Helen Catalbas sa sistema sang pag-operate sang mga accommodation establishments pareho sang hotels, resorts, inns kag kasubong nga mga establisemento sa idalum sang modified General Community Quarantine.

Kun ang restaurant, kabahin sang accommodation establishment, indi na kinahanglan ang accreditation halin sa DOT suno kay Catalbas. Kun indi naman, kinahanglan ang accreditation pero indi halin sa DOT, kundi sa DTI.

Sa subong suno kay Catalbas, ginabanta sa 15 tubtob 20 porsyento pa lang sang mga accommodation establishments sa rehiyon ang nakapa-accredit agud liwat na nga maka-operate.

Ginpahanumdom naman ni Catalbas sa mga na-accredit na nga 50% lang sang normal capacity ang pahanugutan, kag dapat gihapon sundon ang health protocols checklist nga ginplastar sang Department of Health agud ma-secure ang ikaayong lawas sang customers kag staff.

Gin-athag ni Catalbas nga wala nila gina-dali-dali ang pagbukas liwat sang mga accommodation establishments bangud ginasiguro nila nga indi makalusot ang COVID-19. | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply