By: JoMaque | June 11, 2020

Magapadayon sa Hunyo 15 ang biyahe sang mga passenger vessels sa Iloilo-Bacolod nga ruta pero indi para sa mga local ukon foreign tourists kundi para lang para sa mga locally stranded individuals kag authorized persons outside of residence (APOR).

Ini ang ginkumpirmar ni Philippine Coast Guard (PCG) Negros Occidental Chief, Lt. Commander Jansen Benjamin kasunod sang sinapol kahapon upod ang mga opisyal sang Bacolod City, ferry operators kag iban pa nga mga ahensiya sa diin ila nakasugtan nga magpadayon sang operations pero may mga kundisyon nga dapat sundon.

I-require ang mga stranded individuals nga mag-secure sang mga dokumento pareho sang Travel Authority kag Medical Certificates halin sa barangay sa diin sila naabtan sang lockdown.

Company ID naman ang kinahanglan ipresentar sang mga nagatrabaho sa Iloilo kag Bacolod agud pasugtan sila nga makasakay.

Ang mga ferry operators dapat gihapon mag-apply sang permit antes sila pasugtan nga magbalik sang operation.

May mga protocols gihapon nga dapat sundon nga gintalana sang MARINA pareho sang 50% lang sang seating capacity ang pasugtan nga makasakay, ang mga pasahero dapat nga magsuksok sang face mask sa tanan nga tiun kag dapat nga may himuon nga disinfection sa kada tapos sang trip.

Ginahulat pa nga magpagguwa sang Executive Orders ang alkalde sang Bacolod kag gobernador sang Negros Occidental may kaangtanan sini.–with a report from Sun Star Bacolod

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply