By: JoMaque | June 12, 2020

Nagahimo na sang imbestigasyon ang University of the Philippines Visayas sa pag-hack sa ila nga website nga upv.edu.ph.

Suno kay Mrs. Anna Razel Ramirez, Director sang Information and Publication’s Office sang UPV, cover page lang sang website ang nasulod sang hacker kag wala natandog ang iban pa nga parte sang system.

Sentro sang meeting subong nga aga sang mga technical experts sang unibersidad ang natabu sa website suno pa kay Ramirez.

Bangud sa “defacement”, gin-take down temporaryo ang webserver pasado las singko kahapon kag gin-reroute sa UP system website nga up.edu.ph.

Suno kay Ramirez, daw kasubong nga gina-testingan sang hacker ang security kag kahanda sang unibersidad bangud may iban pa nga university websites nga gin-hack man.

Sa mensahe sang hacker nga nagpakilala bilang “You Know Who” gin-emphasize sini ang kakinahanglan para sa pag-invest sa cyber security sa “highly digitized world.” | via Aksyon Hotline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply