16-anyos nga lalaki sa Sibunag, Guimaras, nakit-an nga nagabitay sa puno sang kahoy

By: JoMaque | June 15, 2020

Guimaras- Patay na sang nakit-an ang 16-anyos nga lalaki nga nagabitay sa puno sang kahoy sa isa ka barangay sa Sibunag, Guimaras.

Suno kay Police Staff Sergeant Goldmar Monreal sang Sibunag Police Station, nakabaton sila sang tawag halin sa residente nga may nakit-an sila nga lalaki nga nagabitay sa puno kag gilayon nila ginkadtuan.

Base sa pagpangusisa sang pulis, ginpahayag nga gin-akigan si Alyas Toto sang iya magulang antes naghikog.

Sang gin-akigan, naglakat siya kag wala na nakit-an sa ila lugar kaina sang aga. Pasado las-2 na sang hapon sang nakit-an si Toto nga nagabitay.

Gindala pa siya sa ospital pero wala natabangan.

Indi kumbinsido suno kay Monreal ang pamilya nga naghikog ang solterito rason nga nag-request sila sang autopsy.