By: JoMaque | June 15, 2020

Guimaras — Arestado ang anum (6) ka mga lalaki nga nagabulang sa Sitio Langka, Brgy. Sta. Teresa, Jordan Guimaras, la-1:30 kahapon sang hapon.

Ginkilala ni Police Executive Master Sergeant Noel Solis sang Jordan Municipal Police Station, ang mga nadakpan kanday Ramel Sace, 40-anyos; Warlito Bargat, 50-anyos; Romel Gabunal, 36-anyos; Emanuel Sace, 39-anyos nga lunsay mga residente sang Sitio Bulan-Bulan, Sta. Teresa; Tito Gabitanan, 61-anyos kag Paul Tanangunan, 35-anyos nga lunsay mga residente sang Brgy Espinosa, sa amo man nga banwa.

Preso na ang anum sa Jordan Police Station.

Nakapalagyo naman ang promoter nga si Michael Dolen sang Brgy. Sta Teresa Jordan, Guimaras.

Suno kay Solis, antes sila nag-operate, nakabaton sila sang report nga may naga bulang sa masiut nga porsyun sang barangay rason nga ginpadulongan sang Jordan police Intel group kag Guimaras Police Provincial Office- Special Operations Group.

Na-aktuhan sang nga operatiba nga nagabulang ang mga nagkaladakpan.

Na-recover ang tatlo ka patay kag duha ka buhi nga manok, apat ka bulang kag P3,000 bet money.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply