Angkas sa motor pwede na pero dapat may plastic divider
By: JoMaque | June 15, 2020
“Okay na ‘to kuno. Basta may plastic nga divider okay na ‘to.”
Ini ang ginpahibalo ni Iloilo City Mayor Jerry TreƱas sang ila naistoryahan ni Chief implementer Carlito Galvez nga nagatumod sa hingyo nga pasugtan ang angkas sa motorsiklo.
Sa press briefing subong nga adlaw, ginpahayag sang alkalde nga ginapasugtan na ang angkas sa motor pero dapat nga magbutang sang plastic divider sa tunga sang driver kag backrider pareho sang gin-propose nga design ni Iloilo Governor Arthur Defensor Jr.
Suno sa alkalde, nahangpan sang mga opisyal sa national nga wala sang negosyo nga angkas pareho sa Metro Manila.
Una diri, hugot nga ginbawal ang backrider sa motor bangud indi maobserbar ang physical distancing.
Suno kay Land Transportation Office 6 Dir. Lenard Eric Tabaldo, wala pa sila sang may nabaton nga direktiba nga nagapahanugot sa pag-angkas (as of 12:30 P.M.) apang gina-verify pa sa ila main office.