By: Aine Grace Bravo

ILOILO CITY, June 16, 2020 — Anum (6) ka bag-o nga kaso sang COVID-19 ang gin-report sa Western Visayas subong nga adlaw.

Ini ang ginkumpirmar ni Dr. Marie Jocelyn Te sang Department of Health 6.

Ang bag-o nga mga kaso amo sanday:

WV 148 – 30-anyos nga lalaki nga taga-Igbaras, Iloilo nga DSWD worker;
WV 149 – 32-anyos nga police officer nga assign sa Mandurriao;
WV 150 – 50-anyos nga lalaki nga taga- Mandurriao nga LSI
WV 151 – 23-anyos nga police officer nga taga-Lambunao pero assign sa Mandurriao Police Station;
WV 152 – Repatriated OFW nga taga-Binalbagan, Negros Occidental; kag
WV 153 – Repatriated OFW nga taga San Carlos City, Negros Occidental.

Ginpahayag ni Te nga lunsay asymptomatic ang mga pasyente kag naka-facility quarantine na.

Duha naman ang nadugang sa naka-recover nga amo sanday:

WV 97 – 45 anyos nga lalaki, taga-Talisay City, Negros Occidental; kag
WV 109 – 59 anyos nga lalaki nga taga-Makato, Aklan.

Sa kabug-usan 153 na ang kaso sang COVID-19 kag 103 ang naka-recover sa Rehiyon 6. 11 naman ang napatay. | DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.