By: JoMaque | June 16, 2020

Igbaras, Iloilo – May bag-o nga kaso sang coronavirus disease (COVID-19) sa Igbaras, Iloilo.

Ini ang ginkumpirmar ni Igbaras Mayor Jaime Esmeralda sang ginpahibalo sang Provincial Health Office kaina sang hapon.

June 8, gin-swab ang pasyente kag kaina lang nagguwa nga positibo sa COVID-19 ang 30-anyos nga lalaki.

Una nga nagpositibo sa COVID-19 ang SB member sang banwa pero naka-recover na.

Indi sang overseas Filipino worker (OFW) ukon locally stranded individual (LSI) ang pasyente kundi empleyado sang gobyerno.

Ginkumpirmar ni Esmeralda nga nagka-contact ang bag-o nga pasyente sa SB member sang Mayo 9.

Naka-quarantine na ang pasyente kag 9 ka bilog ang natultolan nga nagka-contact sa iya. | Via NightPatrol

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply