By: JoMaque | June 16, 2020

Aklan — Nagkadto sa Boracay Island sa Malay sang nagligad nga semana ang personnel sang Bureau of Fire Protection-6 samtang nagahulat sang resulta sang iya RT-PCR test.

Suno kay Nurse Madel Joy Tayco, PIO sang COVID-19 Task Force sa LGU-Malay, nakumpirmar sa ila pagpangusisa nga nakakadto gid man sa Boracay si WV144, ang 26 anyos nga babaye nga tumandok sang Cebu apang naga-obra sa Iloilo City.

Masapol subong nga aga ang Task Force agud matul-id ang mga impormasyon.

Naga-apelar si Tayco sa BFP-6 nga magpaguwa sang official statement ukon magpahibalo sa ila sang itinerary sang fire officer kag kun sin-o ang upod niya agud mas mangin madasig ang ila contact tracing.

Ginabanta 100 ka mga Akeanon kag mga workers ang nagakadto sa Boracay kada adlaw sugod sang Hunyo 1.

TIMELINE

Hunyo 5 sang nag-abot sa Iloilo halin sa Cebu si WV144.

Hunyo 6 sang gin-subject siya sa rapid antibody-based test kag RT PCR test. Nag-negatibo siya sa rapid test. Ginpapirma sila sa waiver sang City Health Office sa pag-observe sang home quarantine samtang wala pa sang resulta ang RT-PCR test.

Hunyo 6 tubtob Hunyo 9 sang nagtenir sa hotel si WV144. Ginsugat siya sang upod niya sa trabaho kag nagdiretso sila sa BFP6 regional office.

June 14 sang nagguwa ang resulta sang RT-PCR test nga nagapakita nga positibo siya sa virus.

Suno kay Mayor Jerry TreƱas, 28 ka mga BFP-6 personnel ang nagkadto sa Boracay kag ‘nagparty-party’ base sa impormasyon nga nakalab-ot sa iya.

Ginakuhaan pa sang Aksyon Radyo Iloilo sang dugang nga pahayag ang BFP-6 natuhoy sini.

Sugod subong nga adlaw, Hunyo 16, mahimo makakadto sa Boracay ang mga turista nga taga Western Visayas. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply