Fast crafts nga may ruta Bacolod City-Iloilo city vice versa, wala pa nagsugod biyahe samtang wala sang kaathagan kun sin-o ang pwede makasakay

By: JoMaque | June 17, 2020

ILOILO CITY – Wala pa ginpa-biyahe sang mga operators ang fast crafts nga may ruta Bacolod City-Iloilo City vice versa bisan pa nahisugtan na nanday Bacolod City Mayor Evelio Leonardia kag Iloilo City Jerry Treñas ang “unhampered travel” sugod subong nga adlaw.

Suno kay Maritime Industry Authority (MARINA) 6 Director Jose Venancio Vero, nagpang-alang-alang ang mga operators bangud wala pa maklaruhan kun sin-o ang pahanugutan nga makasakay kag kun ano ang requirements nga ila ipresentar.

Mapadala si Vero sang sulat sa regional Inter-Agency Task Force agud magpangayo sang dugang nga kaathagan.

Nagapabilin sa modified General Community Quarantine ang bus-os nga Western Visayas sa latest pronouncement sang national IATF. | via Aksyon Reports Afternoon Edition