By: Aine Grace Bravo/Angel Mae Ciudad

MANILA, June 17, 2020 — Ginmandu ni Department of the Interior and Local Government Secretary Eduardo M. Año nga i-relieve ang Regional Director sang Bureau of Fire Protection sang Region 6 nga si F/SSUPT Roderick P. Aguto.

Ini bangud sa paglapas sa quarantine facility sang BFP personnel nga nagpa-Boracay bisan ginahulat pa ang resulta sang iya RT-PCR test.

Suno kay Año, wala nila gina-tolerate ang anuman nga sala sang BFP personnel, kag bisan sang iban pa nga DILG personnel ilabe pa kun maglapas sang protocol sa subong nga may pandemya.

Dapat nga mangin ehemplo, suno sa tiglikum, ang mga law enforcers.

Gin-appoint ni Año si F/SSUPT Jerry D. Candido, Director for Logistics sang BFP-National Headquarters nga mangin Officer-in-Charge sa BFP-Region 6.

Ginpahayag ni DILG Undersecretary kag Spokesperson Jonathan Malaya nga ginamanduan na ni Año si BFP Chief Jose Embang nga mag-imbestigar sa natabu kag mag-submit sang resulta sa iya opisina.

Ang babaye nga BFP personnel nga nagpa-Boracay ang nagpositibo sa COVID-19 base sa bulletin sang DOH 6 sang Hunyo 14, 2020. | via DILG

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.