By: JoMaque | June 17, 2020

Iloilo City – Ipaidalom subong nga adlaw, sa RT-PCR test kag rapid test ang mga nagka-contact sa duha ka pulis sang Mandurriao Police Station nga nagpositibo sa COVID-19.

Gin-classify sang Department of Health 6 ang duha nga kanday Western Visayas 149 — 32-anyos nga lalaki nga naga-board sa La Paz, Iloilo City kag WV 151, 22-anyos nga lalaki nga taga-Lambunao pero naga-board sa Mandurriao.

Suno kay Iloilo City Mayor Jerry Treñas, lakip sa i-test ang mga barangay officials sang Q. Abeto, Mandurriao bangud sa ila barangay hall ang assignment ni WV 149. Samtang patroller naman sa Mandurriao Public Market halin sang Marso 25 tubtob Hunyo 5 si WV 151 kag ginsaylo sa Westown Hotel sang Hunyo 6.

I-test man ang mga kaupdanan nila nga mga pulis. Gina-usisa pa kun paano na-infect sang COVID-19 ang duha ka pulis.

Naka-quarantine na suno sa alkalde ang mga pasyente kag mga nagka-direct contact sa sa ila. Sa pihak sini, nagapabilin ang workforce sang Mandurriao Police Station.

“BFP PERSONNEL, NAGPOSITIBO SA COVID”

Ginkumpirmar sang alkalde nga naka-contact tracing na ang City Government sa nagka-contact kay WV 144 –ang 26-anyos nga BFP personnel nga nagpositibo sa COVID-19.

Kaina sang aga, na-subject na sa swab test ang tanan nga personnel sa BFP 6 kag BFP Iloilo City.

Nagapakig-angot naman si Treñas sa LGU sang Malay, Aklan kasunod sang impormasyon nga nagpadulong sa Boracay Island si WV 144.

Ginpabantayan sa mga pulis ang duha ka opisina nga naka-extreme ECQ sa sulod sang tatlo ka adlaw.| Via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply