63-anyos nga lalaki, ginpulihan labu kag ginpugutan sa Antique; Mga suspek, nadakpan

By: JoMaque | June 18, 2020

Antique — Brutal nga ginpatay ang 63-anyos nga lalaki sa Brgy. Nasuli, San Remigio, Antique las 6:30 sang Hunyo 16 ang gab-i.

Ginkilala ang biktima kay Ronito Anecito.

Suno kay Police Staff Sergeant July Job Miles, nagapauli na si Anecito sang ginbantayan sang mga suspetsado nga sanday Ruben Gregorio, 27-anyos kag Joseph Ancleto 35, lunsay residente sang amo man nga lugar.

Ginlabu sa nagkalain-lain nga parte sang iya lawas, ginpugutan kag ginhaboy-haboy pa sang duha ka beses sang mga suspetsado ang ulo sang biktima.

Magapangatubang sang kaso nga murder si Gregorio kag Ancleto nga detained sa San Remegio Police Station.| Via Aksyon Dave Bucayan