By: JoMaque | June 18, 2020

Iloilo City — Desisyon na lang sang mga operators sang fast craft ang ginahulat kun san-o sila maga-resume sang biyahe halin Bacolod City pa-Iloilo City vice versa.

Ginkumpirmar ni MARINA 6 Director Jose Venancio Vero nga na-istorya niya si Bacolod City Mayor Evelio Leonardia kahapon kag nagpasugot na ang alkalde nga magbaton sang mga makadto sa siyudad nga halin sa Panay.

Nagpabutyag man suno kay Vero si Iloilo City Mayor Jerry Tre├▒as nga mapasulod na sang taga-Bacolod City.

Base sa nahisugtan sang duha ka alkalde, ID kag proof of residence lang ang i-require sa mga mabiyahe nga pasahero.

Indi naman kinahanglan ang travel authority halin Panay pakadto sa Bacolod City.

Pero gin-athag ni Vero nga applicable lang ang patakaran sa makadto sa Bacolod City bangud may lain pa nga protocol nga ginapatuman ang Negros Occidental.

Indi naman kinahanglan ang travel authority kun magkadto ang taga-Bacolod sa Iloilo, pero indi sigurado si Vero kun pareho man sini ang ginapatuman sa iban nga probinsya sa Panay.

Istoryahon ni Vero ang mga operators sang fast crafts, kaupod ang mga RORO vessels, agud ipahibalo sa nahisugtan sang mga mayors sang duha ka siyudad.

Posible mahibaluan subong nga adlaw kun san-o na mabalik sa pagbiyahe ang fast crafts. | Aksyon Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply