By: JoMaque | June 18, 2020

Iloilo City — Dapat mag-quarantine ang mga frontliners samtang wala pa sang resulta ang ila RT PCR test.

Ini suno kay Department of Health 6 Director Marlyn Convocar pagkatapos ginlakip sa expanded testing para sa COVID-19 ang mga frontliners nga indi direkta nga nagahatag sang healthcare base man sa DOH Memo Number 2020-0258.

Ini ang ginalakipan sang mga personnel nga naga-monitor sa Temporary Treatment and Quarantine Facilities, mga personnel sang Bureau of Fire Protection kag Armed Forces of the Philippines nga nagabantay sa mga control points, mga barangay officials kag miembro sang Barangay Health Emergency Response Team, mga social worker nga nagahatag sang ayuda kag iban pa.

Suno kay Convocar, dapat istrikto nga i-observe ang home quarantine ukon facility quarantine.

Kun mag-home quarantine, dapat nagakaigo ang sitwasyon sa ila balay kasubong sang separado nga kwarto nga may comfort room.

Mapaguwa naman sang clarificatory advisory ang DOH6 natuhoy sini pagkatapos ginpalab-ot ang impormasyon nga ginapa-duty ni Iloilo City Police Office Director Eric Dampal ang mga pulis nga gin-swab samtang wala pa sang resulta.

Naga-duty si WV149 sa guwa sang Western Visayas Medical Center sa Barangay Q. Abeto, Mandurriao kahapon, Hunyo 16, sang nahibaluan nga positibo siya sa COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply