By: JoMaque | June 19, 2020

Iloilo – Ginpaidalom sa quarantine ang tatlo ka gwardiya sang Iloilo Pronvincial Capitol sang nagka-contact sa COVID-19 positive.

Ini ang ginkumpirmar ni Provincial Administrator Atty. Suzette Mamon sang nagka-contact ang tatlo ka mga gwardiya sa pasyente, duha ka adlaw na ang nakaligad.

Kahapon lang nakumpirmar nga nagpositibo sa COVID-19 ang pasyente.

Gin-athag ni Mamon nga wala nakasulod sa building sang Kapitolyo ang pasyente kundi asta lang sa guwa.

Nagpadulong sa kapitolyo ang pasyente agud magpamangkot kun diin mapaidalomsa RT-PCR test sang nagguwa nga positibo ang resulta sang iya rapid test sang nag-abot halin sa Cebu.

Kahapon, ginsuguran ang pag-quarantine sa tatlo ka gwardiya kag ipaidalom sila sa swab test. | via BBB

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply