32 BFP6 personnel, indi pa gihapon makagguwa sa BFP Regional Office; Mga nakaupod sa Boracay, naka-quarantine gihapon sa Negros kag Iloilo City

By: JoMaque | June 19, 2020

ILOILO CITY — Indi pa sa gihapon makagwa ang 32 ka mga BFP6 personnel nga naka-lockdwon sa regional office.

Sa 32, pito ang halin sa opisina sang Iloilo provincial fire marshal, 24 sa Iloilo City Central Fire kag isa sa Regional Headquarters.

Suno kay Fire Inspector Stephen Jardeleza, kinahanglan tapuson sang mga personnel ang 14 days nga quarantine ukon makagguwa ang results sang ila PCR test.

Samtang, naka-quarantine gihapon ang 27 ka mga personnel nga may close contact sa nagpositibo.

Lima ang yara sa Negros Occidental Provincial Quarantine Facility sa Bago City kag ang iban ang naka-quarantine sa Jubilee Hall kag sa isa ka hotel sa siyudad.