By: JoMaque | June 19, 2020

ILOILO – Nahisugtan sa meeting ni Iloilo Gov. Arthur Defensor, Jr. sa Civil Aviation Authority of the Philippines (CAAP) kag mga airline companies ang pagbalik sang flights sa Iloilo International Airport, pero limitahan ang mga pasahero.

1,500 ka OFWs kag locally stranded individuals (LSIs) lang halin sa Manila ang pahanugutan nga makapauli sa Iloilo kada semana.

Base sa proposal, ang 1,500 ka pasahero ang tungaun sa tatlo ka airlines nga Air Asia, Cebu Pacific kag Philippine Airlines.

“Once we open, passengers can buy their tickets and go to the airports like a regular flight. Except that there are limitations because we are still under a modified general community quarantine and we have border restrictions,” suno kay Defensor.

Mapatuman ini kun maka-isyu na ang gobernador sang executive order kun sin-o ang makapauli kag kun ano ang requirements sa mga pasahero antes sila isyuhan sang plane tickets.

Ginhambalan sang gobernador ang mga airline companies nga maghatag sa provincial government sang manifesto sang mga pasahero duha ka adlaw antes ang flight agud nga makapreparar ang mga LGUs. | via Balita Halin sa Kapitolyo

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply