Mga seniors kag minors sa Iloilo City, puwede makagguwa sa balay pero para lang sa essentials kag exercise–Mayor

By: JoMaque | June 19, 2020

“We will not penalize them, we will only remind them.”

Ini ang ginpasiguro ni Iloilo City Mayor Jerry Treñas sa mga madakpan nga senior citizens kag minors nga magguwa sa ila balay bisan pa ginabawal sa mga areas nga napa-idalum sa Modified General Community Quarantine.

Ginsulit sang alkalde nga puwede makagguwa ang mga seniors kag minors pero para lang mag-access sang ila essentials ukon mag-exercise.

Sa Omnibus Guidelines sang National Inter-Agency Task Force, bawal magguwa ang mga 60-anyos pataas kag 20-anyos panubo, may immunodeficiency, comorbidity, iban pa nga health risks kag nagabusong pero exempted kun mag-access sa ila essentials ukon magtrabaho. | via Aksyon Hotline