2 na lang ka ‘fronts’ sang NPA, nabilin sa Panay – Philippine Army
By: JoMaque | June 20, 2020
Iloilo — Nagapabilin nga pamahug ang New People’s Army sa Western Visayas, pero nagnubo ang threat sa nakaligad nga 20 ka tuig.
Pahayag ini ni Major Cenon Pancito III, spokesman sang 3rd Infantry Division sang Philippine Army.
Base sa mga dokumento suno kay Pancito, duha na lang ang nabilin nga “fronts” sang NPA sa Panay –ang Central Front nga naga-operate sa Calinog, Tubungan tubtob sa Tapaz, Capiz kag ang Southern Front nga naga-operate sa Miag-ao, Igbaras tubtob sa Sibalom, Antique.
Sa data man suno kay Pancito, mas madamo pa ang armas sang NPA sang sa mga tawo gani nagahimo sila sang mga hulag agud i-project nga mabaskog pa sila.
Nagahingyo si Pancito sang kooperasyon sang pumuluyo agud mabatuan ang insurgency. | Via Firingline