By: JoMaque | June 20, 2020

Malay, Aklan — 55 ang mga natultolan sa contact tracing sang LGU Malay Inter-agency Task Force against COVID-19 nga nagka-contact kay Western Visayas Patient 144, 26-anyos nga babaye nga fire officer nga ginpahayag may travel history sa Boracay.

Una na ginreport sang Malay LGU nga yara pa sa Boracay sang nakumpirmar nga positibo sa COVID-19 ang BFP personnel.

Bangud sini, gilayon nga naghimo sang contact tracing ang lokal nga gobyerno.

Sa initial nga tracing, 60 ang ila natultolan pero sang ginpadalman ang imbestigasyon kag validation, lima ang ginkakas sa listahan bangud wala sila sang close contact sa pasyente.

Naka-facility kag home quarantine ang mga na-trace samtang nagahulat sang ila test results.

Hunyo 18 sang ginpaidalom sa RT-PCR test ang 54 ka mga nagka-contact samtang sa Hunyo 21 ang nabilin nga isa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply