By: JoMaque | June 20, 2020

ILOILO CITY – Ginplastar ni Commander Joe Luvis Mercurio sang Coast Guard Iloilo Station ang mga patakaran nga ila ipatuman sa pagbalik biyahe sang mga fastcrafts halin Iloilo City pa-Bacolod City kag vice versa sugod buwas, Hunyo 20.

Suno kay Mercurio, tag-apat ka trips kada adlaw ang himuon sang kada shipping line. Naka-post naman suno sa iya sa Facebook sang ila schedule sang biyahe ang mga shipping lines.

Base sa nakuha nga schedule sang Aksyon Radyo sa FB pages sang Supercat, Weesam kag Ocean Jet, ang schedule amo ang mga masunod:

SUPERCAT
ILO-BCD (10:30AM, 5:00PM)
BCD-ILO (7:30 AM, 2:10 PM)

WEESAM
ILO-BCD (6:30AM, 2:30PM)
BCD-ILO (9:50AM, 4:45PM)

OCEAN JET
ILO-BCD (7:20AM, 1:00PM)
BCD-ILO (5:45AM, 11:00AM)

Ma-deploy ang Coast Guard sang tinawo agud magbulig sa LGUs sa pagsiguro nga ginapatuman ang minimum health standard –pagsuksok sang face mask, physical distancing kag disinfection.

REQUIREMENTS

>Sa mga residente sang Iloilo City nga mapa-Bacolod city via Fastcraft Terminal kag Fastcat Roro Vessel sa Lapuz:
*I-presentar ang valid ID pareho sang government-issued ID nga may proof of residence
*Indi na kinahanglan ang medical certificate

>Sa mga residente sang Iloilo province nga mapa-Bacolod City via Fastcraft Terminal, Fastcat Roro Vessel sa Lapuz kag Roro Port sa Dumangas:
*I-presentar ang valid ID pareho sang government-issued ID nga may proof of residence
*I-presentar ang medical certificate halin sa Rural Health Unit nga “fit to travel” ang pasahero

>Sa mga taga-Bacolod City nga mapa-Iloilo via Dumangas Roro Port
*I-presentar ang valid ID pareho sang government-issued ID nga may proof of residence
*I-presentar ang medical certificate halin sa Rural Health Unit nga “fit to travel” ang pasahero

Gina-discourage pa suno kay Mercurio ang “leisure” travel ukon ang wala sang essential purpose sa pagbiyahe.

Pahanugutan man nga mag-cater sang pasahero nga may essential purpose ang mga RORO vessels, dugang ni Mercurio.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply