By: JoMaque | June 22, 2020

Guimaras — Patay ang drivers sang duha ka motorsiklo nga naaksidente sa Brgy. PiƱa, Buenavista, Guimaras las 6:00 kagab-i, Hunyo 21.

Suno kay Police Captain Jefrey Ferrer, hepe sang Buenavista Police station, halin sa Jordan kag papuli na kun tani sa Brgy. San Enrique, San Lorenzo, Guimaras and driver sang motorsiklo nga si Oliver Villanueva 32-anyos angkas ang iya nga asawa sang nagsugat-anay sila sang motorsiklo nga ginamaneho ni Jomar Cejo 48-anyos sang Brgy. Agsanayan, Buenavista, Guimaras angkas ang iya nga asawa kag bata.

Base sa pag pangusisa ni Ferrer, madasig ang pagpadalagan sang duha ka motorsiklo rasun nga naaksidente.

Ginhingagaw pa dala sa ospital ang duha ka driver pero wala gid natabangan.

Padayun naman nga ginabulong sa ospital ang sakay sang motorsiklo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply