By: JoMaque | June 22, 2020

Iloilo City — Nagsugod na sa pag-imbestigar ang investigating team nga gintukod sang Bureau of Fire Protection national headquarters sa ginpahayag pagkadto sa Boracay sang 28 ka personnel sang BFP 6 lakip ang fire officer nga sang ulihi, nagpositibo sa COVID-19.

Suno kay Fire Senior Supt. Jerry Candido, caretaker sang BFP 6, nakapadala na sang sulat ang investigating team sa nanuhay-tuhay nga local government units agud makakuha sang mga available nga ebidensya.

Lunsay mga personnel halin sa BFP national headquarters ang nagabug-os sang team nga ginapamunuan ni BFP Deputy Chief for Administration, Chief Supt. Roel Jeremy Diaz.

Sakop sang imbestigasyon ang criminal kag administrative liabilities sang mga personnel kag kun may makita nga ebidensya ang team, gilayon sila nga maga-file sang kaso suno kay Candido.

May mando na suno sa iya si BFP Chief, Fire Director Jose Embang Jr., sa team nga padasigon ang pag-imbestigar sa issue.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply