By: JoMaque | June 22, 2020

Tubungan Iloilo –  Indi miembro sang New People’s Army ang barangay kagawad nga ginpatay sa shooting incident sa Sitio Passi, Barangay Mayang Tubungan sang Sabado sang gab-i (Hunyo 20).

Suno kay Gibriela Tubungbanua, Public Information Officer sang Napoleon Tumagtang Command sang NPA, indi kabahin sang NPA si Harold Tablazon, Barangay Kagawad sang Barangay Ago.

Una na nga ginpahayag ni PLT. Rommel Samson, hepe sang Tubungan Police nga na involved si Tablazon sa pag-ambush sang mga pulis sang 2019 sa ila lugar.

Wala naman sang malain nga record si Glenn Bunda, Sk Chairman sang Barangay Tagpuan, kag posible nadalahig lang suno kay Samson.

Ipaidalum sa autopsy si Tablazon samtang nagdesisyon naman ang pamilya ni Bunda nga indi siya pagipa-autopsy suno sa pulis.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply