PHIVOLCS, naka-record sang 81 ka pagtay-ug nga naangut sa Bulkan Kanlaon
By: JoMaque | June 22, 2020
Naka-record sang 81 ka pagtay-ug ang PHIVOLCS nga na-angut sa Bulkan Kanlaon sa Negros Occidental.
Base sa advisory nga ginpaguwa sang PHIVOLCS las 2 kaina sang kaagahon, nag-umpisa ang serye sang pagtay-og las 4:30 kahapon sang hapon.
Na-record ang pinakamabaskog la 1:15 kaina sang kaagahon sa diin, nabatyagan ang intensity V sa La Carlota City, Negros Occidental.
Nabatyagan man ang intensity II sa Kanlaon City.
Ginpasiguro sang ahensya sa publiko ilabi na sa mga local communities sa palibot sang Bulkan Kanlaon nga padayon ang ila monitoring sa aktibidad sang bulkan.