15 LSIs nga bag-o nga kaso sang COVID-19 sa Western Visayas, lunsay halin sa Cebu –DOH 6

By: JoMaque | June 23, 2020

ILOILO CITY – Lunsay halin sa Cebu ang 15 ka locally stranded individuals (LSIs) nga gin-report nga bag-o nga kaso sang COVID-19 sa Western Visayas kahapon, Hunyo 22.

Sa data sang Department of Health (DOH) 6, sa 15 ka mga bag-o nga kaso, 12 ang halin sa siyudad kag probinsiya sang Iloilo samtang taga-Negros Occidental ang tatlo (3) ka iban pa.

Ginkumpirmar ni Dr. Maria Sophia Pulmones sang DOH 6 nga nag-abot sa Iloilo ang 12 ka mga LSIs sang Hunyo 16 kag Hunyo 17 sang ginpaidalom sa RT-PCR test.

Subong nga adlaw, Hunyo 22, sang nakumpirmar nga positibo sila sa COVID-19.

I-verify pa suno kay Pulmones kun dungan gid man nga nag-abot sa Iloilo ang 12 ka mga pasyente nga lunsay asymptomatic kag naka-quarantine na.

Mangusisa man sila dugang kun magpamilya ang anum (6) ka mga LSIs nga halin sa Mandurriao, Iloilo City.

Bangud sa bag-o nga kaso, nagsaka sa 197 ang COVID-19 cases sa rehiyon 6.

Sang Hunyo 19, ginmandu sang DILG nga ipauntat ang pagbyahe sang mga LSIs halin kag padulong sa Cebu City bangud sa padayon nga pagdamo sang kaso sa amo nga syudad.| Via Firingline