By: JoMaque | June 23, 2020

Iloilo (UPDATE) — 24 ka injuries ang nakita san Crime Laboratory 6 sa pag-autopsy sa barangay kagawad nga ginpatay sa Sitio Passi, Barangay Mayang, Tubungan sang Hunyo 20.

Suno kay Dr. Joe Martin Fuentes, medico-legal officer sang Crime Lab 6, may mga pilas sang 33 anyos nga biktima nga si Harold Tablazon sa ulo, liog, lawas, kag iban pa nga parte sang iya lawas.

Kapin 20 naman ka bala ang naglapus gid sa biktima.

Narecover sa iya lawas ang fired bullet sang 9 mm, mga metallic fragments, kag deformed fired bullets.

Suno kay Lt. Rommel Samson, 32 ka baseho sang 9mm kag 6 ka baseho sang .45 caliber ang narecover sa crime scene.

Lunsay man mga patal ang pilas sa ulo ni Tablazon kag sang upod niya nga si Glen Bunda.

Wala ginpa-autopsy sang pamilya ang bangkay ni Bugna.

Si Bunda ang Sangguniang Kabataan chairman sa Barangay Tagpu-an sa amo nga banwa samtang barangay kagawad naman sang Barangay Ago si Tablazon.

Nagapadayon ang imbestigasyon sang pulis sa krimen.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply