By: JoMaque | June 23, 2020

MIAG-AO, Iloilo – – Ginpasakaan sang kaso bangud sa gin-alegar indi husto nga listahanay sang benepisyaryo sang Social Amelioration Program (SAP) subsidy ang barangay kapitan kag mga barangay kawagad sang Barangay Indag-an, Miag-ao lakip ang MSWD Officer sang banwa.

Ginkumpirmar ni CIDG 6 Acting chief Lt. Colonel Gervacio Balmaceda Jr., nga na-file na ang kaso sa Provincial Prosecutors Office kaina.

Lakip sa mga ginpasakaan sang kaso sanday Punong Barangay Wilfredo Fajunio, Barangay Kagawads Maria Lina Montagot, Henry Fallarco, Marjorie Segurigan, Nenita Gayoma, Vilma Noquera, Gerlie Montalban kag Jerome Seculles.

Ginpasakaan man sang kaso suno kay Balmaceda si MSWD Officer Rosalinda Mueda.

Suno sa iya gilayon sila nag-imbestigar sang nabaton ang reklamo.

Nakakuha sila sang listahan sang mga SAP beneficiaries sa amo nga barangay kag natukiban nga may pila ka nakalista nga indi qualified kun basehan ang guidelines sang DSWD.

May i-file man kaso administratibo sa Office of the Ombudsman, dugang pa ni Balmaceda.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply