By: JoMaque | June 23, 2020

ILOILO CITY – Kahapon kuntani maumpisa ang Department of Social Welfare and Development (DSWD) 6 sa pagpanagtag sang 2nd tranche sang Social Amelioration Program (SAP) subsidy sa mga indi miyembro sang 4Ps.

Pero wala nadayon bangud wala pa sang ‘clean list’ sang mga beneficiaries, suno kay DSWD 6 Director Ma. Evelyn Macapobre sa ila virtual presser.

Suno kay Macapobre, may pila ka mga LGUs nga wala pa nakasumiter sang listahan sang mga benepisyaryo nga nakabaton sa 1st tranche kag listahan sang dugang nga mga beneficiaries.

May pila man ka LGUs suno sa iya nga nagsumiter sang kulang nga impormasyon rason nga indi ma-encode sa ila system.

Nagalaum si Macapobre nga makasumiter na ang tanan nga LGUs sang kumpleto nga listahan nga ginapangayu sang DSWD agud maumpisahan na ang tagtaganay sang ayuda sa mga beneficiaries halin sa siyudad kag probinsiya sang Iloilo kag Bacolod City.

Hunyo 24 naman ang deadline sang tagtaganay sang SAP subsidy. | DSWD 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply