By: JoMaque | June 24, 2020

Iloilo City — Nag-surrender sa pulis ang 11 ka mga miembro sang New People’s Army nga naga-operate sa Antique kag Aklan.

Suno kay Police Regional Office 6 Spokesperson Gilbert Gorero, kagutom, kakapoy, kag kabudlay ang nagtulod sa ila sa pag-surrender.

May mga dokumento ang PRO6 nga nagasuporta sa pahayag nga miembro sang NPA ang mga nag-surrender.

Ginpresentar ang mga nag-surrender sa mga katapo sang media Kampo Delgado subong nga hapon kag lakip man sa ginpresentar ang gin-surrender man nila nga 2 shot guns, 1 caliber 45 pistol , 3 granada, 5 ka rifle grenade, kag madamo nga mga bala.

Ginaproseso ang ayuda nga mahimo mabaton sang mga nag-surrender.

Ikustodiya naman sila sang Antique Police Provincial Office para sa ila seguridad.

Ginpatay sang wala pa nakilala nga suspetsado ang anay NPA member sa Tubungan sang Hunyo 20.

Lakip sa gina-imbestigaran sang pulis ang kaangtanan sang NPA sa krimen.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply