LSI nga taga-Ingore, La Paz, nag-positive sa COVID-19; LSI, nagpa-manicure, nag-basketball kag nag-inum inom pa antes gindala sa Jubilee Hall – Kapitan Jonathan Jalandoni
By: JoMaque | June 24, 2020
ILOILO CITY — Nagpa-manicure, nag inum-inom kag nag basketball ang locally stranded individual nga taga-Ingore, La Paz.
Suno kay Kapitan Jonathan Jalandoni, ang LSI ang 40-anyos kag nakapauli halin sa Manila sang Hunyo 12.
Sang amu nga adlaw, nagpauli sa ila balay para sa home quarantine ang LSI.
Apang samtang naka-home quarantine, naglagaw-lagaw, nagpa-manicure, naghampang sang basketball kag nag-inum-inom.
Hunyo 18 sang nahibaluan nga positibo ang resulta sang rapid test sang 40-anyos.
Gilayon nga gindala sa Jubilee Hall ang LSI.
Hunyo 23 sang nahibaluan nga nagpositibo sa RT-PR test ang LSI.
Dugang pa ni Kapitan Jalandoni, padayon ang contact tracing sa mga may exposure sa nagpositibo. | via Aksyon Jeremae Ventar