By: JoMaque | June 24, 2020

ILOILO CITY — 15 na lang ka mga personnel sang Bureau of Fire Protection Regional Office 6 ang wala pa nagguwa ang resulta sang ila RT-PCR test.

196 ka mga personnel ang ginpaidalom sa RT-PCR test sang nagka-contact sa 26-anyos nga fire officer nga halin sa Cebu nga nagpositibo sa COVID-19.

Suno kay BFP 6 Spokesperson Fire Senior Inspector Stephen Jardeleza, 181 na ka resulta ang nagguwa kag lunsay negatibo.

Kadamuan sa 15 ka mga personnel ang nagapadayon sang home quarantine kag hugot nga gina-monitor sang Barangay Health Emergency Response Team (BHERTs).

Wala sang sintomas sang COVID-19 ang nasambit nga mga personnel.

Nabutang sa kontrobersiya ang BFP 6 sang gin-report nga nagpadulong sa Boracay ang 28 ka personnel para sa despedida party ni anay BFP 6 Director Fire Senior Supt. Roderick Aguto, isa ka adlaw antes ginbuksan ang isla sa mga turista halin sa Western Visayas.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply