By: JoMaque | June 25, 2020

Antique– Mahimo na mag-akomodar sang commercial flights ang Antique Airport halin sa Manila sugod sa Hunyo 28 suno kay Antique Governor Rhodora Cadiao.

Suno kay Cadiao, madugay na ginpahanugutan sang Civil Aviation Authority of the Philippines ang pag-operate sang Antique Airport apang wala gilayon napatuman bangud wala pa naka-coordinate ang Philippine Airlines nga amo ang nagahatag serbisyo sa ila lugar.

Naka-coordinate na ang Philippine Airline suno kay Cadiao kag ginkumpirmar nga sugod sa Hunyo 28, mabalik na ang mga commercial flights sa Antique Airport halin sa Ninoy Aquino International Airport Terminal 2 kag pabalik.

Tag isa lang ka byahe kun Lunes, Martes , kag Hwebes ang inisyal nga schedule apang mahimo magbag-o depende sa abiso sang CAAP kag Philippine Airlines.

Mahimo naman makabakal sang ticket ang mga indi residente sa Antique.

Ma-coordinate naman ang IATF-Antique sa mga Local Government Units sa pagpauli sang ila mga residente paagi sa Antique Airport para sa ila nagakaigo man nga mga interventions.

Kinahanglan sang mga Locally Stranded Individuals sang travel authority kag medical certificate nga nagapamatuod nga nakatapos na sang 14 day quarantine kag indi man siya suspected, probable, ukon confirmed case sang COVID-19 para makabyahe. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply