Western Visayas, may 12 new cases sang COVID-19; total cases, 240 na
By: Aine Grace Bravo
ILOILO CITY, June 25, 2020 — 240 na ang total cases sang COVID-19 sa Western Visayas.
Base sa Case Bulletin No. 91 sang Department of Health 6, 12 ang nadugang nga nagpositibo sa rehiyon -siyam (9) ang taga-Negros Occidental, duha (2) ang taga-Iloilo province kag isa (1) ang taga-Bacolod City.
11 sa bag-o nga kaso ang locally stranded individuals (LSIs) kag isa (1) ang repatriated OFW.
Lunsay asymptomatic kag naka-facility quarantine ang mga nagpositibo.
Ang duha ka taga-Iloilo province amo sanday:
WV 229: 30 anyos nga babaye (LSI), taga-Tubungan, Iloilo;
WV 238: 42 anyos nga lalaki (OFW), taga-Pototan, Iloilo.
Duha (2) naman ang nadugang sa naka-recover nga amo sanday WV 127 kag WV 132.
Sa kabug-usan, may 123 na nga naka-recover sa Western Visayas, samtang nagapabilin sa 11 ang napatay. | via DOH 6