By: JoMaque | June 28, 2020

Iloilo — Patay ang 30-anyos nga lalaki sa shooting incident sa Barangay San Antonio, Ajuy kagab-i, Hunyo 27.

Ginkilala ang biktima kay R Den Jade Tupaz, may pilas sa tuo nga parte sang iya dughan.

Suno kay Police Captain Roy Castro, hepe sang Ajuy Police Station, nagkadto sa tiangge sang suspek nga si Roen Estacion ang biktima para mag-utang.

Pero wala ginpa-utang ni Estacion si Tupaz, rasun nga naakig kag ginkuha ang kutsilyo nga nakabutang sa tiangge.

Gintuyo nga bun-on sang biktima ang suspek kabangdanan nga gin-unahan siya tiro.

Base sa pagpangusisa sang Ajuy Police Station, wala na ginapa-utang ni Estacion ang biktima bangud madamo na siya sang utang.

At-large si Estacion.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply