13 COVID-19 cases sa Alimodian, ginkumpirmar ni Mayor Kalay Alonsabe

By: JoMaque | June 29, 2020

Iloilo — May 13 ka nagpositibo sa COVID-19 sa Alimodian.

Ginkumpirmar ni Alimodian Mayor Geefre “Kalay” Alonsabe nga base ini sa impormasyon sa iya ni Iloilo Governor Arthur Defensor Jr.

Wala pa sang may nabaton nga laboratory results sang mga nagpositibo ang LGU-Alimodian as of 10: 00 subong nga aga.

Base sa inisyal nga impormasyon, lakip sa mga nagpositibo ang lima ukon pito ka mga personnel sang Rural Health Unit nga nagabantay sa quarantine facility sang banwa.

Hunyo 22 sang gin-swab sila.

Naka-quarantine na ang mga frontliners nga nagpositibo sa virus.

May nagpositibo man nga mga LSIs kag OFWs sa banwa suno kay Alonsabe.