By: Aine Grace Bravo

ILOILO CITY, June 29, 2020 — 35 ka bag-o nga kaso sang COVID-19 ang nadugang sa Western Visayas subong nga adlaw, gani nagalab-ut na sa 307 ang total cases.

Ini ang ginkumpirmar sang Department of Health Region 6 sa press conference.

Ang mga bago nga kaso amo ang, isa halin sa Kalibo, Aklan; 20 sa Iloilo province, pito sa Iloilo City, isa sa Guimaras kag lima sa Negros Occidential.

Kalabanan sa mga nagpositibo ang Locally Stranded Individuals kag Repatriated Overseas Filipinos.

Sa 35 ka bag-o nga kaso, pito ang health workers –lima ang assign sa Rural Health Unit sang Alimodian, Iloilo kag duha ka doktor halin sa St. Paul’s Hospital sa Iloilo City. Upod man sa nagpositibo ang duha ka na-detect sa Western Visayas pero taga-iban nga rehiyon.

Isa naman ang nadugang sa naka-recover, gani 126 na ang total recoveries kag nagapabilin sa 11 ang napatay.

Ini ang pinakamadamo nga kaso sang COVID-19 nga na-record sa Western Visayas sa sulod lang sang isa ka adlaw. | DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.