2 sa 3 personnel sa Kapitolyo nga na-expose sa COVID-19 patient, negative sa virus; Resulta sa isa pa, wala pa nakagguwa

By: JoMaque | June 30, 2020

Iloilo — Negatibo sa COVID-19 ang duha sa tatlo ka security personnel sa Iloilo Provincial Capitol nga na-expose sa COVID-19 patient.

Ini ang ginkumpirmar ni Atty. Suzette Mamon, Provincial Administrator.

Ginahulat naman suno sa iya ang resulta sa isa pa ka guwardiya.

Una na ginpahayag ni Iloilo Governor Arthur Defensor Jr, nga ang mga guwardiya na-assign sa Capitol main entrance kag nagka-contact sa 37-anyos nga COVID-19 patient nga transient Locally Stranded Individual (LSI) halin sa Cebu City.

Nagkadto sa kapitolyo ang pasyente pero wala nakasulod sa building.

Nagpadulong sa Iloilo ang pasyente agud magdul-ong sang heavy equipment sa Calinog.

Hunyo 18 sang nagguwa ang confirmatory test sang pasyente.

Tapuson sang mga guwardiya ang 14-day quarantine bisan nagguwa na ang resulta sang RT-PCR test. | via BBB